تناولنا فى المقال الاول المشاكل التى تواجهه الصنايعية و افضت الى سلوك بات يشتهر به الصنايعية لدى غير المختصين
و نتناول قى المقال الحالى
السلوكيات التى يشتهر بها بعض الصنايعية -و ليس عمومهم- بغض النظر عن الدوافع لهذا السلوك
فالتطور الطبيعى للصنايعى نظرا لانخفاض انتاجيته مع تقدمه بالعمر هو التحول الى مقاول.
السمعة الكدابة
و عندما يقرر الصنايعى التحول الى مهنة المقاول و نفرض انه صنايعى حسن الصنعة و السمعة نجد فى البدايه انه يحتاج الى الاشهار اى يشتهر بين الناس انه يأخذ عمل بشكل منفرد اى مقاول أخر
و علية فأنه يلزم نفسه فى كثير من الاحيان بمزايا لا يستطيع ان يداوم عليها فهو لم يأخذها بالاعتبار عند تسعير خدمته
و يؤدى ذلك الى سمعة مصاحبة لاشهار غير مطابقة لنموذج تسعيره -سمعة كدابة- و فئته المستهدفة
مما يؤدى به الامر الى تغيير نموذج تسعيره -بزياده السعر او تقليل الجودة- و بالتالى خساره الفئه التى يستهدفها من المجتمع.
القدرة على التنفيذ
طيب انا صنايعى و خدت بالى و لم قدم اى خدمات زياده خارج نموذج تسعيرى للمحافظه عن الفئه المستهدفه فى المستقبل
و لكن قبلت شغل اكبر من قدرتى على التنفيذ
مما اضطرنى للقبول بأى صنايعية ليعملوا معى مما ادى الى انخفاض جودة العمل و عدم رضأء العميل
او
الحل الثانى ان -الحمد لله- عرف يدارى العيوب و العميل ماخدش باله مما ادى الى رضاء العميل
و. كده
فى الحاله الاولى بقى عندنا سمعة سيئه ستؤدى الى فقدان العملاء فى المستقبل القريب
و فى الالة الثانية بقى عندنا سمعة ستؤدى الى فقدان العملاء فى المستقبل البعيد. مع اول ترشيح لك من قبل العميل السابق لعميل تالى بيفهم فى الصنعه و حب يشوف جودة الشغل قبل الاتفاق مع الصنايعى
استمرارية العمل
طيب انا صنايعى
و خدت شغل على قدى و الشغل قل
و الصنايعية اللى معايا الكويسين هيسبونى
يبقى دورى انا كمقاول افتح شغل و ادور على شغل يكون يستحمل انه يخلص فى وقت اكبر او يتأجل حتى لو السعر اقل شوية للمحافظة على استمراريه الصنايعية معايا
مخاطرة عالية
طيب انا كصنايعى
عملت حسابى على الشغل على قد الصنايعية و فتحت شغل ليهم بس الصنايعيه ما بيلتزموش الحضور لموقع العمل كل يوم
يبقى تعمل حسابك ان فى صنايعية معاك بيشكلوا مخاطره عالية عليك فى الشغل .
و تتأكد ان نسبتهم لا تزيد عن حد معين عندك بالشغل حتى لايتسببوا فى تعطيل العمل
و كذلك الصنايعية الجداد معاك بيشكلوا مخاطره عالية عليك فى الشغل .
لاننا لسه مانعرفش مدى التزامهم بالشغل. و لم نتأكد من مدى ثبات جودتهم للشغل. و كذلك مدى التزامهم بطريقة الشغل اللى بنفذها.
اللى اوله شرط
طيب انا صنايعىجبت صنايعية كويسين
و عملت حسابى فى شغل على قد الصنايعية
و عملت حسابى على ان الصنايعية اللى بيشكلوا مخاطرة عالية
و اخدت باعتبارى فى تسعيرى الخدمة كما اسوقها
و الزبون مش عجبه الشغل
هنا بقى فى مشكلة من مشكلتين
الاولى ان تسعيرى غير مناسب المستهدفة و فى الغالب كان سعرى اقل و بالتالى جودتى اقل و الزبون عجبه السعر و الجودة مش عجباه
و فى الحاله دى انا ماتفقتش كويس
او اتفقت كويس الاتفاق ماكنش واضح كويس
الحل يبقى اولا الاتفاق يجب ان يكو واضح و الجوده الشغل تكون واضحة
يعنى لو البند مثلا محارة فكتون درع بس و لا بوج و اوتار و زور تربيع عشان الشغل هيختلف و المجهود هيختلف و السعر هيختلف
و طريق الاستلام ازاى
و مين اللى هيستلم
و هل موجود بمكان العمل و موجود فأوقات معينة
و التكلفة مصنعية فقط
و لا مصنعية و مواد خام
و لا مصنعية و اهلاك عده شغل
و هل عده الشغل او المواد الخام ليهم مواصفات معينة و فى حد المفروض يشوفهم قبل الشعل و لا ايه
و اهم شئ ليك يا صنايعى
اتفق على اللى انت متوقع انه موجود و بالذات لو الشغل برة مكانك
يعنى لو فى رمل هيتشال
من ضمن الشغل و حد هيعمله
التشوين على مين
لو انت متوقع انك انت هتنام بمكان العمل
و مواعيد الدفعات
و مدة العمل
اتفقت على كده
لو فيه اكل ليك و للرجاله ولا صايمه -من غير اكل-
اتفق على كل كبيره و صغيره
و اتفق على البنود اللى ممكن تعطلك الشغل
مثل الالوان فى النقاشة مع انها فى الاخر بس يفضل تكون عارف اللون قبل المرحلة دى بوقت كافى و اعمل للزبون عينات من الالوان المحتار مابنها حتى لو الالوان كومبيوتر و اتأكد ان ده اللى عوزه قبل بدء العمل
الحد الادنى من القيمة
ثانيا بعد الاتفاق الجيداعمل عينه من الشغل اقل قدر من الممكن تسليمه
و سلم الشغل و شوف الملاحظات
لو مش هتقدر تكمل بالشروط دى اعتذر من الاول
قبل ما نغرز كلنا فى الاخر
المقايسة السليمة
ثالثا احمل حساب مخاطر الشغل فى التسعير
مثل اصابة صنايعى او عامل لا قدر الله
او شغل باظ من صنايعى
او شغل مواد خام تلف بسبب صنايعية معاك
او تلف عدة شغل
او اي شئ اخر
طيب الزبون مايشلش فى الغرامة دى
لأ مايشلش فى اى غرامة خارج الاتفاق و هو غير متسبب فيها
و لا لو عايز هو يشيل من لنفسه و عارف انه مش المفروض يشيل
الخاتمة
طيب و اخر شئالبيع و الشراء ده تراضى
و انت بتؤدى خدمة مقابل مال
و عارف شغلك احسن من الزبون و بذات لو هيستلم منك الزبون نفسة
حذار و الغش
و استلم الشغل للزبون كإنك هتستلمه لنفسك
و لو فى عيب عايز يتعاد عيده
و لو ماينفعش يتعاد صارحة
او اعمل على الاقل حاجة زياده فى الشغل بدون مقابل طالما العيب مش عيب قاتل
و راعى حرمات البيوت اللى بتدخلها
و اعرف انت بتستهدف اى فئة عملاء
و ماتحاولش تخرج منها
و نسألكم الدعاء
و السلام ختام
مع تحيات
و التعليقات بالاسفل
